दैनिक जगणं
कालचा काळ जुना
आज नवा दिवस आहे
ऊद्याच्या दिवसासाठी
नव्या-नव्याने नवस आहे
हिच रीत रोज घडते
याला कुठे आवर आहे,.!
इथे तर तोच खुश आहे
ज्याच्याकडे पावर आहे,.
अॅड. विशाल मस्के
सौताडा, पाटोदा, बीड.
मो. ९७३०५७३७८३
साहित्य
·
वड्यांसाठी
·
३ वाट्या तांदूळ,
·
१ वाटी मोड आलेली मटकी, २ वाट्या हरबऱ्याची डाळ, १ वाटी तुरीची डाळ, पाऊण वाटी उडदाची डाळ
·
मिरच्या, थोडे
लाल तिखट, बारीक
चिरलेला कांदा अर्धी वाटी, धने-जिरे
पूड, लसूण, कोथिंबिर, कढीपत्ता, मीठ, फोडणीसाठी तेल. (हळद घालू नये)
·
भातासाठी
·
दोन वाटया तांदळाचा मोकळा फडफडीत भात
·
तेल
·
फोडणीचं साहित्य
पाककृती
·
सर्व डाळी रात्री भिजत घालून सकाळी जाडसर वाटाव्या. मटकीही जाडसर
वाटून घ्यावी.
·
मिरची-लसूण जाडसर वाटाव्यात. सर्व साहित्य वाटलेल्या डाळीत घालावे
आणि सर्व एकजीव करावे. वाटलेल्या डाळीचे छोटे-छोटे चपटे वडे थापून गरम तेलात तळून
काढावे.
·
नंतर २ वाटया तांदळाचा साधा मोकळा भात करून घ्यावा. ज्या तेलात वडे
तळले तेच तेल गरम करायला ठेवावे. प्रत्येकाला पानावर भात वाढला की ४-५ वडे
कुस्करून घालावे.
·
मोहरी , हिंग , हळद घालून तेलाची फोडणी भातावर घालावी . जास्त तिखट खाणार्‍यांनी
वरील तेलात ४/६ मिरच्या घालून तेल भातावर घ्यावे.
·
या भाताबरोबर (साखर न घालता) ताकाची कढी करावी.
पाककृतीसाठी लागणारा वेळ : २० मिनिटे
पूर्वतयारीसाठी लागणारा वेळ : १५ मिनिटे
एकूण वेळ : ३५ मिनिटे
अत्याचार महाकलंक
रोज नविन बातमी
आता कानी येत आहे
रोज कुठे ना कूठे
अत्याचार होत आहे
अत्याचाराच्या संख्येत
रोज होणारी वाढ आहेत
अल्पवयीन बालकांचीही
नराधमांस ना चाढ आहे
समाजातील हे प्रकार
तत्परतेने रोखले पाहिजेत
नराधमी अन् अत्याचारी
दिवसा-ढवळ्या ठोकले पाहिजेत
अॅड. विशाल मस्के
सौताडा, पाटोदा, बीड.
मो. ९७३०५७३७८३
साहित्य
·
१ वाटी हरभरा डाळ
·
५ ते ६ हिरव्या मिरच्या
·
८ ते १० लसूण पाकळ्या
·
१ इंच आले
·
१० ते १५ कढीपत्ता पाने
·
१/२ टिस्पून हळद
·
१ टिस्पून जीरे
·
१ टिस्पून तीळ
·
१/२ कप कोथिंबीर, बारीक
चिरून
·
तळण्यासाठी तेल
·
चवीपुरते मीठ
पाककृती
·
हरभरा डाळ धुवून २ ते ३ तास भिजवावी.
·
भिजल्यावर चाळणीत ओतून अर्धा तास ठेवावी म्हणजे बरेचसे पाणी निथळून
निघून जाईल.
·
मिक्सरमध्ये हिरव्या मिरच्या, आले, लसूण, कढीपत्ता आणि थोडेसे मीठ घालून अर्धवट
बारीक करावे. उरलेली डाळसुद्धा अशाच प्रकारे अर्धवट बारीक करावी.
·
वाडग्यात वाटलेली डाळ काढून घ्यावी. चव पाहून मिरची पेस्ट, मीठ घालावे. तसेच चिरलेली कोथिंबीर, हळद आणि जिरे घालून मिक्स करावे.
·
कढईत तेल गरम करावे. प्लास्टिक पेपरला तेलाचा हात लावून जाडसर वडा
थापावा. गरम तेलात मध्यम आचेवर तळून काढावा.
·
गरम गरम वडा हिरव्या चटणीबरोबर किंवा चिंचेच्या आंबटगोड चटणीबरोबर सर्व्ह
करावा.
पाककृतीसाठी लागणारा वेळ : २० मिनिटे
पूर्वतयारीसाठी लागणारा वेळ : १५ मिनिट (डाळ भिजवण्याचा वेळ वगळून)
एकूण वेळ : ३५ मिनिटे
टोमॅटोचे सूप
साहित्य : चार
लालबुंद मोठ्ठे टोमॅटो,एक
मध्यम आकाराचा कांदा,चार लसणाच्या पाकळ्या,चार काळे मिरे,आल्याचा छोटा तुकडा,चवीपुरते मीठ , लाल तिखट व साखर,सूप दाट होण्यासाठी चमचाभर शिळ्या पावाचा मिक्सरवर करून घेतलेला चुरा
किंवा तो नसेल तर कॉर्न फ्लॉवर ,सुपात टाकण्यासाठी वाटीभर
ब्रेड क्रम्स ( म्हणजेच तळलेले पावाचे छोटे छोटे तुकडे) ,चिमूटभर
लाल खाण्याचा रंग
कृती : प्रथम एका
मोठ्या भांड्यात थोडे पाणी घालून त्यात टोमॅटो,चिरून मोठ्या फोडी केलेला कांदा,लसणाच्या पाकळ्या,मिरे,आल्याचा छोटा तुकडा,
चवीनुसार मीठ,लाल तिखट व साखर हे सगळे एकत्र करून शिजवून
घ्या,थंड झाल्यावर टोमटोची साले काढून मिक्सरच्या मोठ्या
(टाकाच्या) भांड्यातून कपभर पाणी घालून फिरवून घ्या. पुन्हा मोठ्या
स्टीलच्या पातेल्यात काढून घ्या व त्यात चार कप पाणी घालून उकळायला ठेवा,फार पात्तळ वाटले तर सूप दाट होण्यासाठी चमचाभर शिळ्या पावाचा मिक्सरवर
करून घेतलेला चुरा किंवा तो नसेल तर कॉर्न फ्लॉवर लावा व जर लाल रंग कमी वाटत असेल
तरच चिमूटभर खायचा लाल रंग घाला आणि उकळी आल्यावर गॅस बंद करा.
हे सूप सर्व्ह
करतेवेळी एका बाउल मध्ये सूप घालून त्यात
५-६ सोनेरी रंगावर तळलेले छोटे छोटे ब्रेड क्रम्सचे तुकडे घालून सर्व्ह
करा.
बेबी कॉर्न पकोडे अर्थात मक्याची भजी
साहित्य: दोन वाट्या
अमेरिकन कोवळे बेबी कॉर्न मक्याचे दाणे,पाव वाटी बारीक चिरलेला कांदा, एक वाटी ज्वारीचे पीठ,चार टेबलस्पून बेसन पीठ,चवीनुसार/दोन चमचे हिरव्या
मिरच्यांचा ठेचा ,एक चमचा जिरे,मूठभर बारीक चिरलेली कोथिंबीर,चवीनुसार मीठ,आवश्यकतेनुसार तळण्यासाठी तेल.
कृती: प्रथम बेबी कॉर्न मक्याचे
दाणे भरडसर वाटून घ्यावेत. (फार पेस्ट करू नये, फक्त
अर्धवट मोडले जातील असेच वाटावेत.),भरडलेल्या मक्याच्या दाण्यात ज्वारीचे पीठ, पाव वाटी बारीक चिरलेला कांदा, मिरच्यांची पेस्ट, जिरे, बेसन पीठ, कोथिंबीर आणि
मीठ घालून मिक्स करावे. लागल्यास थोडे पाणी घालून दाटसर पीठ भिजवावे. पीठ पातळ
भिजवू नये, चिकटसर असे भिजवावे.
गॅसवर एका कढईत तेल गरम करत ठेवावे. आच मध्यम ठेवावी. चमच्याने लहान लहान गोळे तेलात घालून भजी तळून घ्यावी. चटणीबरोबर गरमच सर्व्ह करावी.
गॅसवर एका कढईत तेल गरम करत ठेवावे. आच मध्यम ठेवावी. चमच्याने लहान लहान गोळे तेलात घालून भजी तळून घ्यावी. चटणीबरोबर गरमच सर्व्ह करावी.
याची सदस्यता घ्या:
पोस्ट (Atom)
श्री गणेशाय नमः
मराठी आरती संग्रह App
आम्ही सारे खवय्ये - Marathi Recipes
मराठी बोलती पुस्तके App
आपल्या साठी एवढे केले, थोड तरी प्रेम दाखवा .. !!!
Business