२/२६/२०१५

कविता लिहिण्यापूर्वी



कविता लिहिण्यापूर्वी
मनात विचारांचा कहर होतो
कल्पनेच्या झाडाला
मग शब्दांचा बहर येतो

भावनेच्या सागराला
मनात कसं उधाण येतं
विचारांच्या फेसाळल्या दर्यात
मन कसं वाहून जातं

लाटे परि शब्द ते
सारखे येऊन भेट घेतात
जाता जाता काव्य ओळी
मजला ते देऊन जातात

आजूबाजूची शब्द झाडे
मजसमोर डोलती
सांगती गुज मनाचे
शब्द शब्द बोलती.

शब्दफुले पाहून मजला
हसतात ती
मी नाही पाहिलं तर
मजवरती रुसतात ती

मग घ्यावया भेट त्यांची
मी तयाजवळ पोचतो
ती हि होतात खुष माझ्यावरती
आणि मी त्यांना वेचतो



संदर्भ: Internet
लेखक :anonymous

Whatsapp Button works on Mobile Device only

Start typing and press Enter to search