४/११/२०१५

भुक्कड स्वप्ने....


काय साली भुक्कड स्वप्ने
इथे पाहिली आहे मी
प्रेमासाठी चक्क गटारी 
वस्ती केली आहे मी

उगाच जळलो रात्रंदिनी
क्षणोक्षणी जागुनी मी
अन सुखाची प्रेतं छिन्न 
उंच लटकावली आहे मी 

तिची नजर होती फक्त
फुगत्या बँक बँलंसवरी नि
कंगाल होवुनी जिंदगी ही
वाया घालविली आहे मी

रे सुटुनी हातातील सारे
उभा नग्न भिकारी मी
आता नको करुणा कुठली 
ती वस्ती सोडली आहे मी



संदर्भ: मी मराठी माझी मराठी साठी लीहा. (Responses)
लेखक :विक्रांत प्रभाकर
http://kavitesathikavita.blogspot.in
drvptikone@yahoo.co.in


Whatsapp Button works on Mobile Device only

Start typing and press Enter to search