रेणुका देवी मंदिर माहूर

माहूर येथील रेणुका देवी ही तीन शक्तिपीठांपैकी एक. त्यामुळेच हे स्थान देवी भक्तांच्या दृष्टीने महत्त्वाचे श्रध्दास्थान आहे. माहूर हे नांदेड जिल्ह्यातील एक लहान गाव असून दत्तात्रेय या त्रिगुणी अवताराचे ते जन्मस्थान आहे, अशी दत्तभक्तांची श्रध्दा आहे. ‘काशी क्षेत्री स्नान करितो, करवीर भीक्षेला जातो माहूर निद्रेला वरितो’ असे वर्णन दत्तात्रेयांच्या एका आरतीत आहे.
रेणुका ही दत्तात्रेयांची माता असल्याने माहूर क्षेत्रास मातापूर असेही संबोधले जाते. नवरात्रात रेणुका देवीची मोठी यात्रा भरते. विजयादशमीला या यात्रेची सांगता होते. माहूर येथे सती अनुसया, कालिका आदी देवदेवतांची अनेक प्राचीन मंदिरे आहेत. इतिहास प्रसिध्द राजगड किल्ला याच गावापासून दोन अडीच कि. मी. अंतरावर आहे. १२ व्या शतकात बांधण्यात आलेला हा भुईकोट किल्ला माहूरगड या नावानेही प्रसिध्द आहे.
नजीकचे रेल्वे स्टेशन : किनवट (द.म. रेल्वे)
किनवट-माहूर : ४५ कि.मी., मुंबई-किनवट (व्हाया मनमाड): ७५१ कि.मी. (रेल्वेने)
मुंबई-माहूर (रस्त्याने) : ७८९ कि.मी.

संदर्भ:http://shivsena.org/

लेखक :anonymous
छायाचित्रे:anonymous