७/१३/२०१५

वादळ



असेल मनात तर भेटून जा
नसेल मनात तर खेटून जा !

कधी यावे वाटले मला छळायला
स्वप्नात तू बिनबोभाट छळून जा !

व्यवस्थे,आहेस रसिक वारांगना
धनिकांचीच रोज शेज करुन जा !

काय कल्पिले अन् काय घडवले ?
सटवे, पुन्हा अक्षरे तू लिहून जा !

नेमेची दडी, येतोस का अवकाळी?
पावसा तूच आता फाशी देवून जा !

कधी झुळूक, कधी बेभान `अनिल´
उरीचे हे वादळही शमवून जा !




संदर्भ: मी मराठी माझी मराठी साठी लीहा. (Responses)
लेखक :अनिल सा.राऊत
9890884228

Whatsapp Button works on Mobile Device only

Start typing and press Enter to search