११/०२/२०१७

इंटरनेटवर 'हॉट' साइट 'हिट'!




एक तृतियांश इंटरनेटचा वापर अश्लील ' कामा ' साठी


इंटरनेटवर जरा कुठे अर्धनग्नता दिसली की अश्लील-अश्लील अशी आवई उठवली जाते. पण हेच तोंडावर हात ठेवणारे बंद दाराआड हा ' हॉट तमाशा ' पाहतात, हे आता आकडेवारीने सिद्ध झाले आहे. जगातील एक तृतियांश नेटचा वापर पॉर्न पाहण्यासाठी होतो. हा आकडा गुगल-फेसबुकपेक्षाही अधिक आहे.


इंटरनेटचा वापर कोठून आणि कसा होतो याचा अभ्यास लंडनमध्ये करण्यात आला. त्यातून सापडलेली आकडेवारी धक्कादायक आहे. जगभरात पॉर्न साइटना दर महिन्यला ३५ कोटी युनिक विझिटर्स आहेत. गुगल किंवा फेसबुकसाठी हा आकडा गाठता आलेला नाही.


साधारणतः या वेबसाइटवर एक प्रेक्षक १५ मिनिटे असतो. दर महिन्याला २९ पेन्टाबाइट कामोत्तेजक साहित्य इंटरनेटवरून प्रदर्शित होत असते. एका प्रसिद्ध साइटवर या क्षण १०० टेराबाइट एवढे कामोत्तेजक साहित्य आहे. त्या साइटला दररोज १० कोटी लोक भेट देतात आणि त्यावरून दररोज ९५० टेराबाइट साहित्य प्रदर्शित होते.


पण या हॉट साइटचा वापर काही वेळा ग्राहकांना फसवण्यासाठीही होतो. विशेषतः जेथे पासवर्ड वगैरे विचारला जातो, तेथे हे पासवर्ड हॅक होण्याच्या घटना वाढत आहेत. ई-मेल पत्ते विचारले जातात, तेव्हा त्याचा वापर व्यावसायिक कामांसाठी केला जातो. यामुळे या हॉट साइटमध्येही फसवणूकीचे प्रकार वाढताना दिसत आहेत.


हे सर्व धोके असले, तरी या साइटवर जाणा-यांचे प्रमाण कमी होत नाही. हे धोके टाळण्यासाठी वैयक्तिक माहिती न देणे, वैयक्तिक ई-मेल न देणे, सार्वजनिक जागी खरी माहिती न ठेवणे अशा अनेक पर्यायांचा वापर होताना या अभ्यासातून दिसले आहे. तरीही फसणारे फसतात आणि न फसणारे सुटतात हे चित्र जगभरच्या इंटरनेटधारकांमध्ये दिसत आहे.

संदर्भ: Zee news
लेखक :anonymous

Whatsapp Button works on Mobile Device only

Start typing and press Enter to search