८/२९/२०१८

आला श्रावण


धो धो पाऊस
घोंगावणारा वारा
भरून वहाणारया नद्या
फेसाळ लाटांचा किनारा -1-

अथांग सागर
दूरवर दिसे गलबत
मनात भितीचे काहूर
मनाचे मनाशी खलबत -2-

खोल खोल दरी
झुळझुळ वाहे निर्झर
संथ संथ आहे
बाजूचे हे सरोवर -3-

प्राजक्ताचा सडा
मंद मंद शितल पवन
फुलून आले सारे अंगण
सुगंधीत झाले सारे मन -4-

नेसुन हिरवा शालू 
आला श्रावण, आला श्रावण
कधी थोडी शिर शिर 
चोहीकडे आनंदाचे क्षण -5-

श्री. प्रकाश साळवी

Whatsapp Button works on Mobile Device only

Start typing and press Enter to search