१०/०९/२०१८

पोह्यांचा ढोकळा


साहित्य

·       अर्धी वाटी पोहे
·       अर्धी वाटी रवा
·       एक वाटी घट्ट मलईचे दही
·       हिरव्या मिरचीचा ठेचा
·       चवीनुसार मीठ
·       अर्धा छोटा चमचा फ्रूट सॉल्ट
·       तेल
·       बारीक मूठभर चिरलेली कोथिंबीर
·       फोडणीचे साहित्य : एक टेबलस्पून तेल, अर्धा चमचा मोहरी, एक छोटा चमचा हळद, चिमूटभर हिंग, एक छोटा चमचा जिरे, ८-१० कढीपत्त्याची पाने
पाककृती

·       एका खोलगट आकाराच्या बाऊलमध्ये दही व एक कप पाणी एकत्र घेऊन चांगले मिक्स करा.
·       मग त्यात रवा व पोहे आणि हिरव्या मिरचीचा ठेचा,चवीनुसार मीठ घालून मिक्स करून घ्या.
·       हे मिश्रण एकजीव होण्यासाठी १०-१५ मिनिटे मुरण्यासाठी एका बाजूला ठेवा.
·       या पिठाचा ढोकळा उकडायला लावण्यापूर्वी त्यात फ्रूट सॉल्ट व दोन टेबलस्पून पाणी घाला व पिठातून बुडबुडे येऊ लागले की ढवळून घेऊन गोल पसरट भांड्याला आतून सगळीकडून तेलाचा हात लावून घेऊन त्या भांड्यात हे पीठ ओता.
·       मग ते भांडे इडलीपात्रात ठेवा व १०-१५ मिनिटांनी ढोकळा तयार झाल्याची खात्री करून घेऊन इडलीपात्रातून बाहेर काढा व एका बाजूला ठेवा.
·       दुसरीकडे गॅसवर एका कढल्यात फोडणीसाठी तेल गरम करून घ्या व तेल चांगले गरम झाले की त्यात मोहरी टाकून ती चांगले तडतडली की हिंग घालून मध्यम आचेवर एक मिनिट फोडणी परतून घ्या आणि नंतर ती फोडणी पॅनमध्ये तयार झालेल्या ढोकळ्यावर ओता.
·       मस्त वड्या कापून कोथिंबिरीने सजावट करून सर्व्ह करा.



Whatsapp Button works on Mobile Device only

Start typing and press Enter to search